Ahuakate-gurina
Neguko errezeta
hozgiroa, festak, sofa eta manta datoz,... eta hauekin batera kozinatzeko gogoa. Hau egiteko modurik onena, sasoikoa, ekologikoa eta gertukoa izatea da. Diego Guerrerok, Madrilgo DSTAgE eta SPEAK jatetxeetako chefak, bi Michelin izar, hiru Soles Repsol eta #38 The Best Chef Awards irabazleak dakarkigun ahuakate-gurin errezeta paregabe honekin adibidez. Gogoratu kasu honetan are garrantzitsuagoa dela kontsumoa moderatua izatea, eta beti sasoikoa, tokikoa eta ekologikoa, produktu honek ur-eskari handia duelako hazteko.
Osagaiak
Oleogelarentzat
- 50 g Sosa erlearen argizari
- 575 g ekilore olio
Ahuakate gurinarentzat
- 250 g ahuakate
- 81 g oleogel
- 9 g oliba olio suabea
- 4 g gatz
- Lima-zukua
Oinarriko pickle-rako
- 260 g ur
- 340 g ozpin zuri
- 100 g azukre
- 12 g gatz
Elaborazioa
Oleogelarentzat
→ Berotu olioa lapiko batean 70ºC-tan.
→ Gehitu erle argizaria eta nahastu urtu arte. Gorde ontzi batean.
Ahuakate-gurinarentzat
→ Ireki ahuakateak eta bota lima-zukua gainetik, oxidatu ez daitezen. (Azala eta hezurra gorde).
→ Gainerako osagaiak irabiagailuan sartu eta birrindu.
→ Txino finetik pasa, gatza edo lima zuzendu, ontziratu (ahalik eta aire gutxienarekin) eta izoztu.
Oinarriko pickle-rako
→ Ura epeldu, azukrea eta gatza disolbatzeko adina. Desegin ondoren, utzi 30ºC-tan hozten, eta ozpina gehitu.Nahastu ondo eta utzi gutxienez ordu 1 hozkailuan egoten.
Hoztu ondoren, ontziratu thai txilearekin batera.
Osaera eta aurkezpena
→ Atera ahuakatea hozkailutik eta utzi marmolezko idulki batean epeltzen. Katilu txiki batean piklea jarri eta beste idulki batean, nahi duzun ogia, igurtzi eta gozatu ahal izateko.
