Miren Arzalluzek kargua hartu bezperan

Greenpeacek Urdaibaiko handitze lanak gelditzeko eta Biosferaren Erreserba ez suntsitzeko eskatu dio Guggenheim Museoko zuzendari berriari

31-03-2025

  • Erakundeak uste du zuzendaritza berri batek “zaharkitutzat eta naturaren suntsitzailetzat” jotzen duen proiektu bat birplanteatzeko aukera zabalduko duela
  • Greenpeacek argudiatu du jokoan daudela ekosistema baliotsu baten hondatzea, biodibertsitate aparta duena, eta Guggenheimen ospea bera
  • Bizkaiko Foru Aldundiak adierazi du proiektuak ez duela oposizio sozial handirik, eta Greenpeacek, berriz, ia 22.000 sinadura jaso ditu kontra

Miren Arzalluzek Bilboko Guggenheim Museoaren zuzendaritza bere gain hartu behar duen bezperan, talde ekologistak handitze-proiektua berriz aztertzeko eskatu dio. Izan ere, Euskadiko Biosfera Erreserba bakarra da, eta biodibertsitate aparta du. Bertako padurak eta basoak babestutako espezie ugariren babesleku dira, hegazti migratzaileak barne, eta, duten balio ekologiko handiagatik, ingurumena babesteko hainbat figura pilatzen ditu erkidego, estatu eta nazioarte mailan.

Greenpeacek zuzendari berriari, Eusko Jaurlaritzari eta Bizkaiko Foru Aldundiari eskatu die proiektu hau bertan behera uzteko, gaur egun planteatuta dagoen lekuan. Obrak bi egoitza eta pasabide bat izango lituzke bien artean. Muruetan jarri nahi duten eraikinak Urdaibaiko Biosfera Erreserbaren nukleoa urratzeko beste urrats bat izango litzateke, eremu baliotsuena eta babes eraginkorra behar duena. Era berean, pasabideak arrisku larriak dakartza, desagertzeko arriskuan dauden espezieen lehentasunezko habitatak zeharkatuko lituzkeelako, bisoi europarra kasu.

“Ezin da justifikatu museoa handitzeko Biosferaren Erreserbaren erdiguneagunea zeharkatzen duten bi eraikin egitea. Zonaldea leheneratu egin beharko litzateke eta ia esklusiboki biodibertsitatea zaintzera bideratu. Mundu guztiaren begiek Guggenheim berriari begiratuko diote. Handitzeak ezin du ekarri, babes zorrotza duen euskal lurraldearen % 24 eskasaren barnean kokatzen den espazio berezi honen suntsiketa: jokoan daude bizitzarako ekosistema ezinbesteko baten hondatzea eta Guggenheimen beraren ospea. Kultura eta natura eskutik joan behar dute. Naturarik gabe, ez dago kulturarik”, adierazi du Lorea Flores Compains Euskadiko Greenpeaceko koordinatzaileak.

Museoaren jasangarritasun estrategiak ingurumenarekiko duen konpromiso handiaz hitz egiten du, horregatik da harritzekoa ezagutzen den informazioaren arabera biodibertsitatea suntsituko duen proiektu batekin aurrera jarraitu nahi izatea: “Greenpeacetik espero dugu museoaren zuzendaritza berri batek proiektu hau geldiarazteko eta birplanteatzeko aukera irekitzea, biodibertsitatearen galera eta krisi klimatiko larrian egonik, zaharkitutzat eta naturaren suntsitzailetzat jo baitaiteke, eta argi eta garbi errealitatetik deskonektatuta dago” jarraitzen du Floresek.

Gainera, Greenpeacek iritzi du Eusko Jaurlaritzak eta Bizkaiko Foru Aldundiak bertan behera utzi behar dituztela museoa zabaltzeko behin betiko proiektua ezagutu aurreko izapide administratibo guztiak, ezinbestekoak baitira hori egin ahal izateko. Erakundearentzat, lehentasunezkoa da proiektu osoa jendaurrean jartzea, bere osotasunean Ingurumen Ebaluazio Estrategikoa egin ahal izateko. “Elixabete Etxanobe Bizkaiko ahaldun nagusiak esan du ez diola bere hitzari huts eginen eta proiektua aurrera aterako dela bai ala bai, eskualdeko oposizioari garrantzia kentzen saiatzearekin batera. Horrek adierazten du entzute prozesua, Eusko Jaurlaritzak eta Bizkaiko Foru Aldundiak bultzatua, aurpegi garbitze bat besterik ez dela, ateratzen dena ateratzen dela ez baita loteslea izango”, aztertzen du Floresek.

Etxanobek “gehiengoaren aurkakotasunik ez” dagoela esan zuen adierazpenen aurrean, errealitatea da proiektuak gaitzespen zabala duela, Guggenheim Urdaibai Stop plataformaren sorrerak (400 erakunde biltzen dituena), Zain dezagun Urdaibai kolektiboak, manifestazio masiboek, araudien aldaketei jarritako helegite anitzek, inguruko alkateen adierazpenek eta Espainiako Estatuko ingurumen erakunde nagusien protestek erakusten dutenez. Gaur egun, Greenpeacek ia 22.000 sinadura bildu ditu proiektua geldiarazteko, eta, beraz, Eusko Jaurlaritzaren entzute aktiboko prozesuak bilduko dituen 1.000 erantzunak baino askoz gehiago.

Era berean, erakundeak uste du itsasoko eta lurreko jabari publikoaren babes-zerrenda 100etik 20 metrora murrizteko emandako ministro-aginduari “botere-desbideratzea” deritzona dela: Trantsizio Ekologikorako eta Erronka Demografikorako Ministerioak (MITERD) natura babestea zaindu beharko luke; hala ere, bere posizioa erabiltzen ari da bitxi natural horren suntsiketa errazteko interes pribatuen mesedetan, eta hori jada salatu du Greenpeacek.

Alderantziz, Greenpeacek MITERDi eskatu dio Urdaibaiko Biosfera Erreserba lehentasunez sar dadila Lehengoratze Plan Nazionalean, Natura Lehengoratzeko Europako Araudiak ezarritakoari jarraituz. Araudi horrek Europar Batasuneko lehorreko eta itsasoko eremuen % 20 gutxienez hemendik 2030era leheneratzeko helburuak ezartzen ditu, bai eta hemendik 2050era leheneratu behar diren ekosistema guztiak ere.

Informazio gehiago:

En profundidad No a la ampliación del Museo Guggenheim en Urdaibai: la cultura y la naturaleza deben ir de la mano


Partekatu!