Testamento solidario polo planeta

1. Asesórate con profesionais: toma o teu tempo para pensar e procurar toda a información que necesites. Lembra que estamos á túa disposición por se xorden dúbidas ou preguntas e que contamos con asesoramento xurídico gratuíto e sen compromiso.
2. Acude á notaría para redactar o teu testamento. Lembra incluír estes datos:
   Greenpeace España
   CIF G-28947653
   C/ Valores 1, 28007 Madrid
3. Comparte a túa decisión cos teus seres queridos e nós trataremos toda a información con absoluta confidencialidade. Podes escribirnos a justine.huppert@greenpeace.org ou chamarnos ao 900 535 025.

A herdanza é o conxunto de bens, dereitos e obrigas que polo falecemento dunha persoa se transmite aos sucesores e que, con carácter xeral, a lei divide en 3 partes (segundo cada Comunidade Autónoma):

• O terzo de lexítima: a parte da herdanza que non se pode dispor libremente, porque a lei a reserva para as herdeiras ou herdeiros forzosos.
• O terzo de mellora: a parte que conta con meirande dispoñibilidade á hora de se adxudicar, dado que debe repartirse tamén entre os descendentes, pero non necesariamente en porcentaxes iguais.
• O terzo de libre disposición: a parte sobre a que pode decidirse con absoluta liberdade a súa adxudicación, como a un familiar, un terceiro ou unha persoa xurídica.

Son os descendentes, parella ou proxenitores que, segundo a lei, teñen dereito a herdar a porción lexítima do patrimonio do finado, é dicir, a que o testador non pode dispor libremente.

É a asignación de bens concretos (inmóbeis, vehículos, obras de arte…) ou dereitos (prestacións, cobro de débedas, porcentaxe patrimonial…) a unha persoa física ou xurídica nun testamento. O legado atópase separado da herdanza e non é necesariamente obxecto de reparto entre as herdeiras ou herdeiros forzosos, polo que non prexudica a súa parte lexítima a recibir.

Facer un testamento é sempre a opción máis recomendábel, sinxela e accesíbel para expresar o destino do teu patrimonio e deixar a túa pegada no mundo. É un documento revogábel e confidencial que che permitirá:

• Planificar o futuro dos teus seres queridos e transmitir os teus valores.
• Garantir os teus desexos do xeito máis sinxelo e económico. Sen testamento, os trámites poden tardar máis dun ano e xerar altos custos.
• Evitar desacordos e conflitos entre as túas herdeiras e herdeiros.
• Incluír disposicións non patrimoniais, como a asignación de titores a descendentes menores de idade.
• Prolongar o teu apoio a unha persoa ou organización coa que compartes valores.

Non fai falla ter un gran patrimonio. Calquera legado, grande ou pequeno, marcará unha diferenza no planeta. Se tes herdeiras e herdeiros, non te preocupes: facer un testamento solidario non prexudica a súa parte correspondente, xa que podes deixar a Greenpeace aquilo que pertenza á porcentaxe de libre disposición da túa herdanza.

Podes incluír a Greenpeace de varias formas no teu testamento:

• Herdeira universal: se así o desexas e no caso de que non teñas ningunha herdeira ou herdeiro forzoso.
• Coherdeira: designando unha parte ou porcentaxe da túa herdanza.
• Destinando un legado específico.

Si, podes modificalo cantas veces quixeres. Se decidiches incluír a Greenpeace só debes contactar coa túa notaría e facilitarlle os nosos datos:

Non, facer un testamento conxunto non é legalmente posíbel, dado que é un acto de vontade individual.

É sumamente importante que se nos inclúes no teu testamento nolo notifiques. Non só porque queremos coñecerte e agradecercho, así como manterte ao corrente do labor que iremos levando a cabo; tamén para axudarmos a velar por que todos os detalles sexan correctos e por que se cumpra a túa vontade.

Aínda que as notarías e testamenteiros teñen a obriga legal de notificar a todas as partes beneficiarias dunha herdanza, o máis conveniente é que, se decides facer un testamento solidario, nos informes disto. En moitas ocasións é preciso realizar un pedimento de apertura, pero se esta acción non se leva a cabo por descoñecemento, o patrimonio que decidiches doar pode pasar directamente ao Estado.

Por suposto, respectaremos a túa privacidade e manteremos a máxima discreción e anonimato se así o desexas.

É posíbel, pero non recomendábel. Se non deixas un testamento, os teus seres queridos deberán realizar unha “Declaración de herdeiros”, un procedemento pesado e custoso. Mentres que deixar a túa vontade por escrito leva pouco tempo e diñeiro.

Non, as ONG non están suxeitas ao Imposto de Sucesións e Doazóns, polo que a totalidade das herdanzas e legados solidarios se transforman completamente en acción para a protección do medio ambiente.