Gure akuiferoetan dauden lurpeko uren ia erdia kutsatuta dago. Gehienentzat, jada ez dago konponbiderik. Beraz, gainerakoa salbatzea premiazkoa da!
Arazoa
Uraren kutsadurak: giza hornidura (Espainiako herri batzuek ez dute ur-edargarririk), elikagaien ekoizpena eta penintsulako ekosistema askoren biziraupena arriskuan jartzen ditu. Kutsadura horren arrazoiak askotarikoak dira, eta honela sailka daitezke:
Hiri-isurketak. Kasu askotan, ingurune hidrikoaren kalitate-galeraren eta degradazioaren eragile nagusia da. Oraindik badira dozenaka udalerri eta hiri beraien urak behar bezala arazten ez dituztenak. EBko Justizia Auzitegiak milioi askoko isuna jarri zigun arrazoi horregatik. Mikroplastikoen, farmakoen eta sintesirako beste produktu kimiko batzuen presentzia gero eta handiagoa da.
Industria-isurketak. Industria kimikoaren garapena hasi zenetik, ingurumenean 100.000 substantzia inguru barreiatu direla kalkulatzen da (1.000 substantzia berri urtero). Haien inpaktuaren gaineko ezagutza urria edo eza da, beraz, zuhurtasun-printzipioa betetzea premiazkoa da, azken momentuko soluzioak ematen zentratuta dagoen egungo eredua alde batera utziz.
Nekazaritza eta abeltzaintzako isurketak. Nekazaritzako eta abeltzaintzako eredu gero eta handiagoa sortzen ari den kutsadura lausoa jasanezina da, batez ere makroabeltegiak ugaritzen ari direlako (eta ukuiluratutako aziendaren hondakinak, hala nola nitratoak eta amoniakoa), eta plagizidak eta beste produktu fitosanitario batzuk eta ongarri sintetikoak nekazaritzan oro har erabiltzen direlako, eta horiek lurrean iragazten direlako, herrialdeko eremu gero eta zabalagoetako akuiferoetara iritsi arte. Abeltzaintza industrialean erabiltzen diren antibiotikoak sortzen ari den arazo bat da, eta ez zaio jaramonik egiten.
Irtenbidea
Uraren kutsaduraren arazoa etetea premiazkoa da, zuzenean eragiten baitio etorkizunean izango dugun ur erabilgarritasunari. Eta horretarako haien zergatien jatorrira jo behar dugu.
Hiri-isurketek eragindako kutsadura ezabatzeko, udalerriek eman behar duten lehen urratsa indarreko lege-araudia betetzea eta ura arazteko sistema onak martxan jartzea da.
Industria kimikoa bere isurketak arazteaz arduratu behar da, eta ekoizpen garbiko teknikarik aurreratuenak aplikatu behar ditu, substantzia arriskutsuak ez sortzeko. Administrazioek ere areagotu egin behar dituzte uretara isurtzen diren substantzia arriskutsuen zaintzako kontrolak, eta dagozkion zigorrak ezarri behar dituzte, aurrekoa zigorgabetasun osoz errepikatzen jarrai ez dadin.
Eta abeltzaintzaren arloan, ura nitratoz kutsatzeko arrazoi nagusietako bat izanik, premiazkoa da abeltzaintza industrialari luzamendu bat ezartzea, planetarentzat hain kaltegarria den abeltzaintza-eredu hori ugaltzea saihesteko. Nekazaritzaren esparruan, izugarri murriztu behar da ongarrien eta plagizida sintetikoen erabilera. Premiazkoa da sistema agroekologiaruntz aldatzea
Zertan gabiltza
Ingurumenaren gaineko presioak murrizteko eta sistema suntsitzaile eta harrapariaren eraldaketa lortzeko lan egiten dugu, sistema nagusia den aldetik, uraren kontsumoa eta kutsadura murrizteko, alternatiba iraunkorragoak abian jarriz agroekologiaren kasuan bezala. Era berean, administrazioei presioa egiten diegu kontrol egokia egin dezaten eta legeriarik permisiboenak hobetu daitezen, eta enpresei, berriz, indarreko legeria bete dezaten eta gai toxikoak ibaietara, itsasoetara eta akuiferoetara isurtzeari utz diezaioten.
Gainera, Nitratoen bidezko Uraren Kutsadura Zaintzeko Herritarren Sarea sortzea sustatu dugu. Sare horrek, neurgailu batzuen laguntzarekin, uretan nitratoen kontzentrazioa egiaztatzen du. Neurketa horien emaitzak mapa honetan bistaratzen dira.
Zer egin dezakezu zuk?
Ekin zure kontsumoari! Murriztu zure asteko haragi-kontsumoa 300 gr ingurura eta esne-kontsumoa 1.750 gr ingurura, eta kontsumitu produktu ekologikoak, tokikoak eta sasoikoak. Horrek lagundu egingo du abeltzaintza industrialaren eredua ahultzen eta planetarekin jasangarriagoa den baten alde egiten. Kontuz ibili etxean erabiltzen dituzun produktu kimikoekin; zaindu haien toxikotasuna ingurumenean. Administrazioei estutu, daukagun ondasun beharrezkoenaren egungo eta etorkizuneko hornidura berma dezaten: urarena.
Greenpeace-ekin bat egin! Gure erakundearen parte izan gure uretan amaitzen diren isurketen zaintza handiagoa eskatzeko. Egin klik hemen Greenpeace-ekin bat egiteko!