Informe Destrución custe o que custar 2026
Greenpeace presenta hoxe o seu informe Destrución custe o que custar 2026 onde amosa os problemas que afronta a costa galega. A franxa costeira da comunidade atópase nun escenario de vulnerabilidade pola confluencia da subida do nivel do mar, o incremento térmico das augas —que rexistrou a súa primeira onda de calor mariña en maio con temperaturas de ata 6 °C sobre a media no Cantábrico— e o aumento na intensidade das borrascas invernais. Por todo iso, Greenpeace sinala que Galicia necesita unha estratexia para a adaptación e conservación da costa.
