Ezin dugu borrokatu krisi klimatikoaren eta biodibertsitatearen galeraren aurka landa-ingurune bizi eta jasangarririk gabe. Espainia hustua indartu behar dugu etortzear dagoenari aurre egiteko.
Arazoa
Gure lurraldeak duela hamarkada batzuetatik pairatzen duen despopulazioaren fenomenoak inpaktu sozial, kultural eta ekonomikoak ditu, baina baita ingurumenekoak ere. “Espainia hustua” delakoak jasaten duen ondorioetako bat nekazaritza-, abeltzaintza- eta baso-jarduera tradizionalen galera da. Jarduera horiek natura errespetatzen dute, eta elikagaiak eta beste ondasun batzuk ekoizteko modu jasangarria dira, klima-aldaketa arintzen eta biodibertsitatea kontserbatzen laguntzen duten aldi berean.
Honen ordez, inguruko guztia kutsatzen duten megaproiektu industrialak agertzen dira, hala nola makroabeltegiak, dozenaka mila animalia eta tona minda dituztenak, edo laborantza eta bere ongarri kimikoen hedadura erraldoiak. Gainera, artzaintza bezalako zenbait jarduera bertan behera uztearen ondorioz, gure mendiak sastrakez betetzen ari dira, hauek suteen aurrean askoz ere ahulagoak bihurtuz, gero eta gogorragoak eta kontrolatzeko zailagoak diren suteak klima-aldaketaren ondorioz.
Abelzaintza industrialaren aruka sinatu
Gure landa-ingurunean praktika iraunkorrak behar ditugu, horiekin bakarrik aurre egin ahal izango baitiegu klima-krisiaren ondorioei. Baina Espainia hustuan azpiegitura, zerbitzu publiko eta bestelako aukerarik ez egoteak oso zail jartzen die lurra horrela lantzen duten pertsonei.
Irtenbidea
Landa-despopulazioaren eta horren ingurumen-ondorioen arazoari irtenbidea ematea konplexua da, eta hainbat administrazioren mende dago. Hala ere, Greenpeace-ek estatu mailan oraindik ez dela fenomeno horri heltzeko apusturik egin uste du, eta hor dagoela gakoa. Gainera, gure herrietako bizitza berreskuratzera bideratutako politika guztiek klima-krisia eta biodibertsitatearen galera kontuan hartzea eskatzen dugu. Hona hemen gure eskaeretako batzuk:
- Landa-garapenaren aldeko estatu-politika, krisi ekologikoa haren ardatz egituratzaile gisa txertatuko duena.
- Tokiko biztanleriatik sortzen diren proiektu eta ekimen jasangarriak abian jar daitezen sustatzea, lurraldearekiko errotzea eta ingurumen- eta kultura-ondarearen kontserbazioa ziurtatzeko.
- Europako politikak (NPB, esaterako) biodibertsitatea babestera eta klima-aldaketaren aurka borrokatzera bideratzea, Europako Itun Berdearen ildotik.
- Landa-inguruneari edozein alderditan eragiten dioten politika guztietan ekosistemak kontserbatzera bideratutako neurri gehiago sartzea.
- Lurraldean biztanleria finkatzeko neurri espezifikoak ezartzea: oinarrizko zerbitzu publikoak, eten digitala murriztea, mugikortasuna hobetzea, etxebizitza eskuratzea erraztea, kulturarako sarbidea sustatzea, gizonen eta emakumeen arteko aukera-berdintasuna bermatzea, etab.
- Landa-garapena sozialki bidezkoa den trantsizio ekologiko batean oinarritzea, ingurumen- eta gizarte-ondasun eta -zerbitzuetarako berdintasunezko sarbidea ahalbidetuko duena eta ingurumena arriskuan jarriko ez duena.
- Tokiko, ekologiko eta sasoiko produktuen kontsumoa sustatzea, ekoizpen jasangarria bultzatzeko.
Zer ari da egiten Greenpeace
Greenpeace-en urteak daramatzagu nekazaritza eta abeltzaintza jarduera iraunkorrak sustatzen. Ekintza eta salaketa ugari ditugu landa-eremuko irtenbide faltsuen aurka, hala nola laborantza transgenikoen edo nekazaritzan masiboki erabiltzen diren plagiziden aurka, bai eta naturarekiko ankerragoa den abeltzaintza-jardueraren aurka ere.
Orain ikuspegi demografikoa sartu dugu gure lanean, herri biziak (eta ez hutsak) behar ditugulako planeta arriskuan jartzen duten praktiken aurka borrokatzeko.
Gure jarrera eta eskariak Trantsizio Ekologikorako eta Erronka demografikorako Ministerioko arduradunei eta beste eragile politiko batzuei helarazi dizkiegu, eta pixkanaka-pixkanaka gure diskurtsoa nola txertatzen duten ikusten gabiltza.
Bestalde, elkarlanerako proiektu bat abiarazi dugu erakunde askorekin, “Urik gabe ez dago herririk. Ur garbia izateko eskubidea”. Bertan, ura bezalako bizi-baliabide baten kalitatea zaintzen ari gara, nekazaritzak eta, bereziki, abeltzaintza industrialak sortutako kutsaduraren aurrean.
Nitratoen bidezko uraren kutsadurari buruzko Errege Dekretuaren aldaketa ere gertutik lantzen ari gara, eta eskualdeko moratoriak eta estatuko moratoria bat bultzatzen ari gara, industria-abeltzaintzaren neurrigabeko eta kontrolik gabeko aurrerapena geldiarazteko, hori baita landako despopulazioaren aurrean ematen den irtenbide faltsuetako bat.
Zer egin dezakezu zuk?
Ekin zure kontsumoari! Landak jaten ematen digu, horregatik kontsumitzen dugun moduak eragin zuzena du landa-jardueran. Tokiko produktuak, ekologikoak eta sasoikoak aukera itzazu, ahal dela ekoizle txikienak. Aurkitu elikadura jasangarriari buruzko informazio gehiago.
Babestu tokiko mugimenduak! Gero eta pertsona gehiagok beren indarrak batzen dituzte landa-munduaren espolioaren aurka ahotsa altxatzeko, irtenbide faltsuekin. Bila itzazu zure inguruan ildo horretan lan egiten duten erakunde eta plataformak, eta batu zure indarra eta energía haiekin.
Bat egin Greenpeace-ekin! Izan zaitez gure erakundeko kide, pertsonak eta natura erdigunean jarriko dituzten politika ausartak eskatzeko. Bat egin Greenpeace-ekin!