Entre abril de 2018 e decembro de 2019, Greenpeace reuniuse cos principais supermercados do país para lles transmitir dez demandas que contribúan a frear o uso excesivo de envases dun só uso nos seus establecementos e parar así a contaminación por plásticos.

A seguinte táboa resume os compromisos que nos fixeron chegar os supermercados tras desas negociacións. Eses compromisos están a ser xa implantados ou desenvolveranse en breve.

A metodoloxía para obter a nota final non se basea nunha media aritmética senón nunha media ponderada, posto que non todas as demandas son igual de importantes e, por tanto, teñen distinto peso. Ademais, cada demanda e compromiso presentado analízase in situ nos diferentes supermercados. Un dos factores clave nesta avaliación é a transparencia na súa pegada plástica; é dicir, queremos que os supermercados fagan pública a información sobre todos os plásticos que usan cada ano e todos os que reducen para que poidamos saber que significan os seus compromisos e para seren transparentes coas persoas consumidoras.

Preme en cada supermercado para coñecer máis detalladamente o seu grao de compromiso. Nestas fichas atoparás información detallada con fotos e os seus contactos públicos para que contactes con eles e lles pidas que cambien.

Clasificación de supermercados contra o plástico

Decembro 2019

Flecha a la izquierda
Flecha a la derecha
Desprázate ← → para consultar a táboa
#
Marca
Puntuación final sobre 10
Plan para eliminar plásticos dun só uso (2025)
Fomenta os envases reutilizábeis
Non fomenta as falsas solucións
Froita e verdura a granel
Fomenta a venda a granel noutros produtos
Elimina bolsas dun só uso
Elimina outros plásticos dun só uso (non envases)
Transparente sobre a súa pegada plástica
Traballa con provedores para eliminar plásticos
Fomenta envases 100% reciclábeis
1
Máis info...		 7,0 7,0 • 6,7 • 5,5 • 7,0 • 7,0 • 6,6 • 4,5 • 7,5 • 6,8 • 8,5 •
2
Máis info...		 6,5 7,0 • 5,8 • 6,0 • 5,8 • 5,9 • 6,6 • 9,0 • 5,5 • 7,5 • 8,5 •
3
Máis info...		 6,2 7,5 • 6,2 • 6,1 • 4,8 • 6,0 • 6,6 • 6,0 • 4,9 • 5,0 • 7,5 •
4
Máis info...		 6,1 6,9 • 5,0 • 5,9 • 4,8 • 5,0 • 6,5 • 9,0 • 4,9 • 7,5 • 8,5 •
5
Máis info...		 4,6 4,5 • 5,5 • 3,0 • 3,0 • 5,5 • 6,5 • 3,5 • 4,9 • 5,0 • 7,0 •
6
Máis info...		 4,0 4,0 • 3,0 • 5,0 • 7,0 • 1,0 • 5,0 • 3,5 • 4,9 • 5,0 • 7,0 •
7
Máis info...		 3,2 4,5 • 3,0 • 1,0 • 3,9 • 1,0 • 3,0 • 3,5 • 4,9 • 6,0 • 7,0 •
8
Máis info...		 2,3 5,0 • 5,5 • 4,0 • 4,5 • 5,5 • 6,5 • 3,5 • 0,0 • 0,0 • 7,0 •
█ 0-2 → Moi malo
█ 2-4 → Insuficiente
█ 4-5 → Precisa mellorar
█ 5-6,5 → Avanza
█ 6,5-8 → Bo
█ 8-10 → Moi bo

Valoración

Durante 2019, e tras denunciarmos a contaminación por plásticos en 2018 e a inacción por parte dos supermercados, estes seguiron analizando os seus produtos lentamente. Durante 2019, os supermercados estiveron a traballar para ver que envases teñen e como poderían cambiar as súas prácticas, pero van demasiado devagar e, na meirande parte dos casos, seguen a ter unha mentalidade de substitución máis ca de verdadeira eliminación. Moitos deles non apostan por unha eliminación real para tratar este problema, senón que, tras un ano de deliberacións, resúltalles máis doado reduciren o grosor dos seus envases para usar unha menor cantidade de plástico (aínda que o envase siga existindo) ou directamente substituíren os plásticos dun só uso por envases biodegradábeis ou compostábeis, que tamén son dun só uso e tamén poden seguir levando plástico, co que estas medidas non serían efectivas para frear a contaminación por plásticos.

Este ano podemos ver dúas liñas de loita contra os plásticos: os supermercados que comezaron a dar pasos na dirección correcta e os supermercados que, por diferentes motivos, aínda teñen moitísimo traballo por diante. De certo, ningún leva un sobresaínte, xa que ata agora ningún estableceu todas as medidas precisas para dicir adeus aos plásticos dun só uso nin á cultura do usar e tirar. Pero xa varios, como Eroski ou Alcampo, apostan por opcións reutilizábeis que nos permiten mercar sen xerar refugallos e teñen plans para seguir aumentándoos.

ACTÚA! Só podes consumir sostíbel se che deixan

Seguimos a precisar o voso apoio. Por iso deseñamos estas fichas, que inclúen os contactos públicos dos supermercados. Precisamos que lles escribades, que os chamedes, que os mencionedes nas redes sociais e que lles fagades chegar as vosas peticións para que deixen de sobreenvasar os seus produtos! Xa é hora de que, de xeito transversal, nos permitan facer a compra sen encher os nosos caldeiros do lixo e o planeta de envases que poderiamos aforrar.

Contamos coa vosa axuda para xerar o cambio necesario que nos permita frear a contaminación por plásticos. Grazas!

Información relacionada

Preme para abrir:

Un envase reutilizábel ou recargábel é aquel que se deseña especificamente para se reutilizar a longo prazo a fin de evitar a xeración de refugallos. Non existe unha solución milagrosa nin unha solución única para todos os novos envases reutilizábeis/recargábeis que se poden aplicar para cada empresa, produto ou xeografía.
Greenpeace propón que as empresas e os supermercados dean prioridade urxente ó investimento en sistemas de distribución reutilizábeis e recargábeis que cumpran cos seguintes criterios: accesíbel, duradeiro, non tóxico, cómodo, sinxelo e que promova unha transición xusta cara a unha economía libre de plásticos desbotábeis.
Máis información no informe “Tirando el futuro“.

Semella que, cada día, as empresas e supermercados anuncian un novo envase ou xeito de reducir o plástico coa intención de gañar a confianza da cidadanía e facernos crer que están a liderar a procura de solucións á crise da contaminación por plásticos. Non todas as “solucións” propostas son iguais ou equitativas.
Substituír por outros materiais desbotábeis despraza eses impactos cara a outros sectores do noso medio ambiente. Por outra parte, a reciclaxe non é un sistema circular e non pode solucionar esta crise de xeración masiva de lixo e contaminación por plásticos.
Máis información no artigo “¿Sabes cómo te ecoengañan los supermercados?” e no informe “Tirando el futuro“.

Os materiais biodegradábeis son aqueles que se descompoñen de xeito natural na natureza por acción biolóxica. Estes materiais poden estar compostos por material vexetal, como o millo ou a pataca, en porcentaxes variábeis, aínda que actualmente existen algúns que se compoñen nun 100 % de material vexetal. En ocasións, estes produtos tamén poden conter bioplásticos, que realmente non se descomporán na natureza, tal e como a súa definición propiamente indica.
En calquera dos casos, é preciso usar alimentos, que normalmente proceden da nociva agricultura industrial, para xerar máis obxectos de usar e desbotar? Estes materiais degrádanse seguindo un proceso natural, o que significa que van directamente ao vertedoiro, caso de non escaparen antes ao medio ambiente. Ao seguiren contendo plástico na súa meirande parte, causan os mesmos problemas que os plásticos convencionais nos nosos mares.
Máis información nesta infografía.

Os materiais compostábeis son aqueles que se descompoñen con certa axuda do ser humano, mediante diferentes métodos, coa idea de extraermos compost como resultado desa xestión de refugallos. O compost utilízase normalmente como fertilizante na agricultura e xeralmente procede de materia orgánica 100 %. Porén, para que un envase ou obxecto obteña a certificación OK Compost (como as bolsas de caixa en supermercados, etc.) non existe ningún requisito legal que impida que tamén conteñan plástico, polo que adoitan contelo para abaratar prezos e ofrecer unha meirande resistencia.
O material vexetal pode ser millo ou pataca en porcentaxes variábeis, aínda que actualmente existen algúns que se compoñen 100% de material vexetal. En calquera dos casos, é necesario usar alimentos, que normalmente proceden da nociva agricultura industrial, para xerar máis obxectos de usar e desbotar? Son materiais que se degradan ao seren sometidos a moi altas temperaturas mediante procesos industriais. Significa que teñen que ir ao colector marrón de orgánico e, se non tes ningún preto de ti, van ir a un vertedoiro, a non ser que escapen e cheguen ao medio ambiente. Como dixemos, estes materiais só se descompoñen a altas temperaturas e, polo tanto, non na natureza, causando os mesmos problemas que os plásticos convencionais nos nosos mares.
Máis información nesta infografía.

Pide aos supermercados que eliminen os envases de plástico

Política de privacidad

Quiero recibir información acerca de las campañas de Greenpeace y formas de participación. Al firmar, acepto la política de privacidad. Desde GREENPEACE ESPAÑA trataremos los datos aportados en calidad de Responsable del tratamiento con la finalidad de gestionar nuestra relación contigo, en pro de nuestros objetivos fundacionales, en base al consentimiento o a la ejecución de un acuerdo. Puedes ejercer tus derechos enviando un email a contacto.es@greenpeace.org con el asunto “Protección de Datos”. Más información.

Súmate a Greenpeace!

Sé parte da nosa organización para esixir aos supermercados que actúen contra o uso excesivo de plásticos. Cantas máis persoas sexamos, máis forza poderemos facer.

Únete a Greenpeace!

Actúa co teu consumo!

Adoptando unhas sinxelas medidas para reducirmos o uso de plásticos, evitaremos contribuír á invasión de plásticos que afoga os nosos mares. Aquí dámosche algunhas ideas.